एजेन्सी । कम्बोडियाका राजा नरोद्दोम सिहामोनी, उनकी आमा तथा पूर्व रानी नरोद्दोम मोनिनिथ सिहानुकले नियमित स्वास्थ्य परीक्षण गरी आइतबार स्वदेश फर्किएको कम्बोडियाका अधिकारीले जनाएका छन् ।

नियमित स्वास्थ्य परीक्षणका लागि उनीहरु तीन हप्ता पहिले चीनको राजधानी बेइजिङ पुगेका थिए ।

राजा सिहामोनीलाई स्वागत गर्न कम्बोडियाका प्रधानमन्त्री सम्देक टेचो हुनसेन, कम्बोडियाली उच्च पदस्थ अधिकारीलगायत कम्बोडियाका लागि चिनियाँ राजदूत वाङ वेनतिआन नोमपेन अन्तर्राष्ट्रिय विमानस्थलमा पुगेका थिए ।

उनको चीन बसाइका क्रममा राजा सिहामोनीले आफ्नो नियमित स्वास्थ्य परीक्षण का साथै चिनियाँ स्टेट काउन्सिलर तथा विदेशमन्त्री वाङ यीसँग भेटवार्ता गरेका थिए ।

पैँसठ्ठी बर्षीय राजा सिहामोनीले आफ्नो नियमित स्वास्थ्य परीक्षणका लागि बर्षको दुई पटक बेइजिङ पुग्ने गर्छन ।