काठमाडौँ, २६ फागुन । सरकारले स्वाथ्य तथा जनसंख्या मन्त्रालयका लागि गतवर्ष भन्दा ४० करोड बढीको बजेट सिलिङ पठाएको छ ।

स्वास्थ्य तथा जनसंख्या मन्त्रालय स्रोतका अनुसार आगामी आर्थिक बर्षका लागि संघ अन्तरगर्त ३४ अर्व ४८ करोड ८८ लाखको बजेट सिलिङ पठाएको हो ।

गतवर्ष मन्त्रालय (संघ)का लागि ३४ अर्व ८ करोडको सिलिङ तोकिएको थियो ।

यस्तै सरकारले स्वास्थ्य बीमा कार्यक्रमका लागि आगामी आर्थिक बर्षका लागि पनि छ अर्वको सिलिङ तोकेको छ । गतवर्ष पनि स्वास्थ्य बीमा बोर्डलाई ६ अर्वकै सिलिङ पठाएको थियो ।

चालु आर्थिक बर्षको सात महिनाको अवधीमा आशातित बजेट खर्च भने भएको छैन । यसले गर्दा योजना आयोगले पनि उत्साहजनक रुपमा बजेट सिलिङ नपठाएको सरोकारवाला बताउँछन् ।