काठमाडौँ, ५ चैत । आयुर्वेद चिकित्सकहरुको लाइसेन्स परीक्षा आगामी ३० चैतमा हुने भएको छ । आयुर्वेद चिकित्सा परिषद् नेपालले आज सूचना जारी गर्दै आयुर्वेद स्नातक (बीएएमएस) उत्तीर्ण गरेकाहरुको स्थायी नाम दर्ता सम्वन्धी लाइसेन्सिङ परीक्षा आगामी ३० चैतको सोमबार हुने बताएको छ ।

परिषद्ले सो परीक्षामा सहभागि हुन चाहने बीएएमएस उत्तीर्णहरुले आज देखि १९ चैतसम्म नियमित शुल्क र २० देखि २८ चैतसम्म विलम्ब शुल्क तिरी अनलाइन फारम भर्न सक्ने जनाएको छ ।

परीक्षाका लागि बीएएमएस उत्तीर्ण गरी छ महिना इन्टर्नसिप पुरा गरेको विद्यार्थी हुनुपर्छ । तर विदेशबाट बीएएमएस गरेको हो भने एक वर्ष पुरा इन्टर्नशीप गर्नु पर्ने परिषद्ले जनाएको छ ।