पोखरा, २२ माघ । गण्डकी प्रदेशको स्वास्थ्य सचिवमा नियुक्त डा. युवानिधि बसौलाले बुधबारबाट जिम्मेवारी सम्हालेका छन् । मुख्य मन्त्री कार्यालय गण्डकी प्रदेशबाट पत्र लिएर स्वास्थ्य मन्त्रालय पुगेका सचिव डा. बसौलालाई प्रदेश स्वास्थ्य मन्त्री कृष्णप्रसाद पाठकले स्वागत गरेका थिए ।

एघारौँ तहका डा. बसौला यसअघि शहीद शुक्रराज ट्रपिकल तथा सरुवा रोग अस्पताल टेकुमा कार्यकारी निर्देशकको भूमिकामा थिए ।

संघीय मामिला तथा सामान्य प्रशासन मन्त्रालयको प्रस्तावमा गत २ माघमा बसेको मन्त्रिपरिषद्को बैठकले उनलाई गण्डकी प्रदेश मुख्य मन्त्री कार्यालय वा अन्तर्गत रहने गरी सरुवा गरेको थियो ।

त्यतिवेला कै बैठकले गण्डकी प्रदेशका स्वास्थ्य सचिव डा. विश्वबन्दु बगालेलाई भने संघीय स्वास्थ्य तथा जनसंख्या मन्त्रालयमा सरुवा गरेको थियो ।