काठमाडौँ, १७ पुस । विगत १० दिन देखि आमरण अनसनमा बसेका डा. निकोलस भुसाल (कमल) नेतृत्वको टीमसंग बार्ता गर्न सरकारले टोली गठन गरेको छ ।

प्रधानमन्त्रीका प्रमुख सल्लाहकार अजयभद्र खनालको संयोजकत्व चार सदस्यीय बार्ता टोली गठन गरेको हो । बार्ता टोलीमा प्रधानमन्त्रीका जनसम्पर्क अधिकृत गोविन्दनारायण तिमिल्सिना, प्रधानमन्त्री कार्यालयका सहसचिव डा भीष्मकुमार भुसाल र काठमाडौँका प्रमुख जिल्ला अधिकारी ईश्वरराज पौडेल रहेका छन् ।

विभिन्न पाँच बुँदे माघ अघि सार्र्दै माइतीघरमा अनसन बसेका डा भुसालको स्वास्थ्य अवस्था विग्रदै गएपछि हिजो वीर अस्पताल लगिएको छ ।

चिकित्सक तथा नागरिक समाजका अगुवाहरुले डा भुसालको जीवन रक्षाको माग गर्दै सरकारले तत्काल बार्ता गरी समस्याको समाधान खोज्न सुझाव दिएका थिए ।