काठमाडौँ, ९ मंसिर । गत २३ र २४ भदौको आन्दोलनमा घाइते भएकाहरुको उपचार, राहत र अन्य सेवाका लागि सहयोग गर्न सरकारले १० जना स्वयंसेवक स्वयंसेवक चार महिनासम्म खटाउने निर्णय गरेको छ ।

सोमबार बसेको मन्त्रिपरिषद् बैठकले मासिक १५ हजार दिएर चार महिनाका लागि १० जना स्वयंसेवक हेल्प डेस्कका लागि थप गर्ने निर्णय गरेको शिक्षा विज्ञान तथा प्रविधि मन्त्री महावीर पुनले जानकारी दिए ।

जेनजी आन्दोलनका घाइतेहरुको उपचार, फलोअप, तथा अन्य राहत साथै बर्गीकरण गर्नका लागि गृह मन्त्रालयले सहसचिवको नेतृत्वमा हेल्प डेस्क स्थापना गरेको छ । मन्त्री पुनले मन्त्रालयका सहसचिव, उपसचिवसहित लगायतका कर्मचारीहरु रहेको हेल्पडेस्कको कामलाई सघाउन स्वयंसेवक थप गर्ने निर्णय भएको स्पष्ट पारे ।

अहिले गृह मन्त्रालयले जेन जी प्रदर्शनका क्रममा घाइते भएकाहरुको बर्गिकरण गर्ने र परिचयपत्र उपलव्ध गराउने कार्य समेत अघि बढाएको बताएको छ ।