काठमाडौँ, ११ जेठ । इलाममा जङ्गली च्याउ खाँदा बिरामी भएका  दुई जनाको मृत्यु भएको छ । इलाम माङ्सेबुङ ५ का दुई जनाको आइतबार मृत्यु भएको हो ।

मृत्यु हुनेमा माङ्सेबुङ ५ की १७ वर्षीया नुमा लावती र २२ वर्षीय मनिसा चेम्जोङ रहेको इलाम प्रहरीले जनाएको छ । सोही ठाउँका धनराज साङ्बाङ भने बिरामी परेका छन् ।

उनीहरूले जङलबाट संकलन गरेर ल्याएको च्याउ सेवन गरेपछि स्वास्थ्यमा गम्भीर समस्या देखिएको थियो। च्याउ खाएको केही घण्टामै उनीहरूलाई वान्ता, पेट दुख्ने, टाउको दुख्ने जस्ता लक्षण देखिएको र तत्कालै उपचारका लागि अस्पताल लगिएको प्रहरीले जनाएको छ ।