डेंगी संक्रमितको संख्या ४ हजार नाघ्यो, सबैभन्दा धेरै तनहुँमा
नेपाली हेल्थ २०८१ भदौ ४ गते १४:२७ 0 
काठमाडौँ, ४ भदौ । देशभर डेंगी संक्रमितको संख्या ४ हजार नाघेको छ । स्वास्थ्य सेवा विभाग अन्तर्गत इपिडिमियोलोजी तथा रोग नियन्त्रण महाशाखा (इडिसिडी) का अनुसार देशभर ४ हजार ९७ जनामा डेंगी संक्रमण देखिएको हो ।
जसमध्ये तनहुँ जिल्लामा सबैभन्दा बढी ७८१ जनामा डेंगी संक्रमण पुष्टि भएको छ ।
काठमाडौँमा ३८०, कास्कीमा ३५१, पर्वतमा १७७, चितवनमा १५७ र झापामा १४९ जना संक्रमित भएका छन्। यीबाहेक अरू जिल्लामा संक्रमितको संख्या १०० भन्दा कम छ।
त्यस्तै देशका ७७ जिल्ला मध्ये मुस्ताङ, हुम्ला र जुम्ला बाहेक ७४ जिल्लामा डेंगी संक्रमण फैलिएको छ ।
यो वर्ष हालसम्म डेंगी संक्रमणबाट दुईजनाको मृत्यु भएको ईडीसीडीले जनाएको छ।
केही दिनअघि डेंगी संक्रमणबाट झापामा ४० वर्षीया महिलाको मृत्यु भएको थियो भने त्यसअघि तनहुँको दमौलीका ५० वर्षीय पुरुषको पनि डेंगी सङ्क्रमणबाट मृत्यु भएको पुष्टि भएको थियो ।
सम्पर्क इमेल : nepalihealthnews@gmail.com
-
‘अतिरिक्त स्वास्थ्य सचिव पदहरु हट्यो, मन्त्रालयको दरबन्दी भारी मात्राले घट्यो’
-
सरकार र आन्दोलनरत चिकित्सक संघबीच पाँच बुँदे सहमति, आन्दोलन स्थगित
-
आज देशभरका अस्पतालमा आकस्मिक बाहेकका सेवा बन्दको घोषणा
-
तीन महिना पछि बस्यो स्वास्थ्यकर्मी सुरक्षा समन्वय समितिको बैठक
-
यस्तो छ स्वास्थ्य तथा खाद्य स्वच्छता मन्त्रालयकाे नयाँ संगठन संरचना
-
