काठमाडौँ, २७ चैत । नेपाल मेडिकल काउन्सिलले केही प्रतिष्ठान, मेडिकल तथा डेन्टल कलेजहरुले विद्यार्थी भर्ना बापतको बक्यौता रकम तीन साता भित्र बुझाउन निर्देशन दिएको छ ।

स्नातक तथा स्नातकोत्तर तहको अध्ययन् गराउने ती शैक्षिक संस्थालाई यसअघि पटक पटक ताकेता गर्दा पनि रकम नबुझाएको भन्दै काउन्सिलले आज सार्वजनिक सूचना जारी गरेको हो ।

काउन्सिलले तोकिएको समय भित्र रकम नबुझाउने प्रतिष्ठान मेडिकल तथा डेन्टलकलेजमा आफ्नो निकायबाट हुाँद्यै आएको विद्यार्थीहरुको परीक्षण दर्ता र विदेशी नागरिक चिकित्सक शिक्षकहरुको दर्ता रोक्का गर्ने जनाएको छ ।

काउन्सिलले २१ दिन भित्र रकम नबुझाएमा बक्यौँता रकम सहितको कलेज तथा प्रतिष्ठानको विवरण सार्वजनिक गर्ने पूर्ण बैठकको निर्णय भएको भन्दै त्यस अगावै निर्देशन पालना गर्न भनेको छ ।