काठमाडौं, १७ चैत । प्रधानमन्त्री बालेन्द्र शाहले कैलालीको गेटास्थित शहीद दशरथ चन्द स्वास्थ्य विज्ञान विश्वविद्यालय सञ्चालन गर्ने प्रक्रिया छिटो टुङ्गिने बताएका छन् । मंगलबार सुदूरपश्चिमका सांसदहरुसँगको छलफलमा प्रधानमन्त्री शाहले यस्तो बताएका हुन् ।

सिंहदरबारस्थित प्रधानमन्त्री कार्यालयमा भएको छलफलमा सुदूरपश्चिमका अन्य विषयका अलावा लामो समय देखि अलमलमा परेको शहीद दशरथ चन्द स्वास्थ्य विज्ञान विश्वविद्यालय सञ्चालनका लागि यसपटक रणनीतिक योजनामा राखेर बजेट विनियोजन गर्न प्रधानमन्त्री शाहको ध्यानाकर्षण गराएका थिए ।

सो अवसरमा सुदूरपश्चिमका सांसदहरुको तर्फबाट कैलाली क्षेत्र नं ५ बाट निर्वाचित सांसद डा. आनन्दबहादुर चन्दले शहीद दशरथ चन्द स्वास्थ्य विज्ञान विश्वविद्यालयको रणनीतिक महत्वको रहेको रहेको बताउँदै सञ्चालनमा आएका बखत विश्वविद्यालयले त्यस क्षेत्रको स्वास्थ्य सेवा पहुँच विस्तार, दक्ष जनशक्ति उत्पादन, वैदेशिक पलायन न्यूनिकरण, र क्षेत्रीय अर्थतन्त्र सुदृढीकरणमा महत्वपूर्ण भूमिका खेल्न सक्ने सहितको योजना प्रस्तुत गरेका थिए । त्यसपछि प्रधानमन्त्री शाहले तत्काल यो कार्य कार्यान्वयनमा जाने बताएका थिए ।

‘सम्माननीय प्रधानमन्त्री ज्यू, हाम्रो प्रस्तुति पछि एकदमै सकारात्मक हुनु भयो । त्यस लगत्तै उहाँले फास्टट्याकमा काम गर्दै अर्थ तथा कानूनबाट आवश्यक राय समेत लिने व्यवस्थाका लागि सहजीकरण गरिसक्नु भएको अवस्था छ । उपकुलपति ज्यूले अहिले त्यसका लागि आवश्यक प्रक्रिया अगाडी बढाउँदै हुनुहुन्छ,’ सांसद डा. चन्दले भने ।

उनले यसअघि सुदूरपश्चिम यसअघि विकासमा पछि परेको र चिकित्सा शिक्षा अध्ययन र अध्यापन नहुने एकमात्र प्रदेश बनेको उल्लेख गर्दै उक्त विश्वविद्यालय सञ्चालनमा जोड दिदै आएका थिए ।

उनको नीति प्रस्तावमा चारवटालाई प्राथमिक लगानी क्षेत्रहरू बनाएर बजेट विनियोजन गर्नुपर्ने उल्लेख छ।

पहिलो, शहीद दशरथ चन्द स्वास्थ्य विज्ञान विश्वविद्यालय रु. २ अर्ब ५८ करोड, दोस्रो विकास संस्था रु १० करोड, तेस्रो फाप्ला क्रिकेट मैदान रु. ४ अर्ब र पाँचौंमा सिकलसेल परीक्षण कार्यक्रम रु. २ करोड माग गरिएको छ।
यस्तो छ डा. चन्दले प्रस्तुत गरेको विवरण: