काठमाडौँ, २१ जेठ । स्वास्थ्य बीमा बोर्डको सुविधा थैली बनाउन प्राडा प्रदीप वैद्यको संयोजकत्वमा उच्च स्तरीय कार्यदल गठन भएको छ । गत ३ बैशाखमा बसेको स्वास्थ्य बीमा बोर्डको बैठकले प्राडा वैद्यको संयोजकत्वमा दश सदस्यीय कार्यदल गठन गरेको हो ।

बोर्डका सूचना अधिकारी विकेश मल्ल ठकुरीका अनुसार समितिका सदस्यहरुमा डा शर्मा पौडेल, डा सन्ध्या चापागाईँ, डा सन्तोष पौडेल, डा डम्बर खड्का र नर्सिङ निर्देशक रोशनी तुईतुई रहेका छन् । यसैगरी डा कालुसिंह खत्री, डा देबेन्द्रप्रसाद ज्ञवाली, रञ्जना पोखरेल पनि सदस्य छन् । समितिको सदस्य सचिवमा भने डा कृष्णहरि खनाल तोकिएको छ ।

उनीहरुलाई प्रतिवेदन बुझाउन ३० दिनको समयावधी दिईएको छ ।

• स्वास्थ्य बीमा बोर्डले सार्वजनिक गर्‍यो सुविधा थैलीमा परिमार्जित गरिएको नयाँ दररेट (सूचीसहित)

त्यसो त स्वास्थ्य बीमा बोर्डले गतवर्ष मात्रै सुविधा थैली अन्तर्गतका सेवा सुविधाहरुको परिमार्जित बिबरण तथा दर रेट लागू गरेको एक वर्ष पुगेको छैन । २० बैशाख २०८१ मा तय भएको दर रेट १ भदौ २०८१ देखि लागू भएको थियो ।

• स्वास्थ्य बीमा बोर्डले सुविधा थैली अन्तर्गतको परिमार्जित नयाँ दररेट लागू हुने समय एक महिना पछि सर्‍यो

सो दर रेटमा कतिपय सुविधाहरु बजार मूल्य भन्दा धेरै महंगो कतिपय धेरै सस्तो भएको भएको चर्चा चलेको थियो । अहिलेको कार्यदलले गतवर्ष विग्रिएको मूल्य समायोजन गर्ने समेत अपेक्षा गरिएको छ ।

• स्वास्थ्य बीमा बोर्डले कार्यान्वयनमा ल्यायो सुविधा थैलीका परिमार्जित दररेट