काठमाडौँ, १३ फागुन । स्वास्थ्य तथा जनसंख्या मन्त्रालयमा बरिष्ठ अस्पताल नर्सिङ प्रशासकको भूमिकामा रहेकी शकुन्तला प्रजापती प्रमुख अस्पताल नर्सिङ प्रशासक पदमा बढुवा भएकी छन् ।

लोक सेवा आयोगले गत आइतबार लिएको अन्तर्वार्ता र त्यसअघिको लिखित परीक्षामा आएको अंकको आधारमा उनलाई एघारौँ तहमा बढुवा गरेको जनाएको छ ।

आयोगका अनुसार आन्तरिक प्रतिस्पर्धाबाट गरिएको यो पदका लागि प्रतिस्पर्धा गर्दै अन्तर्वार्तामा दुई जना पुगेका थिए ।

प्रजापती सिफारिसमा पर्दा प्रतिस्पर्धामा रहेकी रिना श्रेष्ठ भने बैकल्पिक सूचीमा परेकी छन् ।