काठमाडौँ, २३ जेठ । आयुर्वेद विभागको महानिर्देशकको जिम्मेवारी डा. प्रदिप केसीलाई र इपिडिमिओलोजी तथा रोग नियन्त्रण महाशाखा प्रमुखमा डा. यदुचन्द्र घिमिरेलाई दिईएको छ ।

स्वास्थ्य तथा जनसंख्या मन्त्री प्रदिप यादवले बुधबार मन्त्री स्तरीय निर्णय गर्दै खालि रहेको विभागको महानिर्देशकमा डा. केसीलाई र ईडिसिडीमा डा. घिमिरेलाई नियुक्ति गरेका हुन्।

त्यसैगरी भरतपुर अस्पतालको निमित्त मेसुको जिम्मेवारी डा कृष्ण प्रसाद पौडेललाई दिईएको छ। कोशी अस्पतालको मेसुमा रविनराज सिंह र चन्द्र भाल झालाई नारायणी अस्पता सरुवा गरिएको छ ।