काठमाडौँ, १ जेठ । सरकारले चैत मसान्तसम्म सत प्रतिशत खोप लगाउने घोषणा गरेपनि त्यसले सफलता पाउन सकेको छैन् । स्वास्थ्य तथा जनसंख्या मन्त्रालयका अनुसार शनिबारसम्म ८४.६ प्रतिशत जनताले कोभिडविरुद्धको पूर्ण खोप लगाएका छन् ।

मन्त्रालयका अनुसार कुल लक्षित जनसंख्या १२ वर्ष माथि २ करोड ३३ लाख २७ हजार ६१९ जनामध्ये पूर्णमात्रा लगाउनेको संख्या १ करोड ९७ लाख ३८ हजार ५१७ ( ८४.६ प्रतिशत) रहेको छ । एक मात्रा डोज लगाउनेको संख्या १ करोड ८९ लाख ७१ हजार ९३० (९५.८ प्रतिशत) पुगेको छ ।

मन्त्रालयले ३७ लाख २१ हजार ५५२ जनाले अतिरिक्त मात्रा खोप लगाईसकिएको उल्लेख गरेको छ ।