काठमाडौँ, ६ बैशाख । पछिल्लो २४ घण्टामा नेपालमा थप १० जनामा कोरोना भाइरस संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार ३ हजार ५८ जनाको पीसीआर परीक्षणमा १० जनामा संक्रमण देखिएको हो । एन्टीजेन विधिबाट गरिएको १ हजार ३४५ जनाको परीक्षणमा भने कसैको पनि पोजेटिभ रिपोर्ट आएन ।

यस्तै मन्त्रालयले पछिल्लो २४ घण्टामा कोरोनाबाट २६ जना निको भएको जानकारी दिएको छ ।

हाल देशभर ३३४ जना सक्रिय संक्रमित रहेका छन्।

संक्रमितमध्ये ३२४ जना होम आइसोलेसनमा रहेका छन् भने १० जना संस्थागत आइसोलेसनमा रहेका छन्। आज कोरोनाबाट कसैको पनि मृत्यु भएको छैन।