काठमाडौँ, ४ पुस । पछिल्लो चौविस घण्टामा देशभर थप ७ सय १० जनामा कोरोना भाइरस (कोभिड-१९)संक्रमण देखिएको छ । यही अवधीमा देशभरबाट थप १ हजार १७५ जना संक्रमणमुक्त भएका छन् ।

स्वास्थ्य तथा जनसंख्या मन्त्रालयका अनुसार देशभरका बिभिन्न प्रयोगशालामा पीसीआर बिधिबाट गरिएको नमुना परीक्षणका क्रममा थप ७ सय १० जनाको कोरोना भाइरस पोजेटिभ आएको छ ।

यो संगै नेपालमा कुल संक्रमितको संख्या २ लाख ५३ हजार १८४ पुगेको छ । भने कोरोनामुक्त हुनेको संख्या २ लाख ४२ हजार ५६७ पुगेको छ ।

हालसम्म देशभर सक्रिय संक्रमितको संख्या ८ हजार ८४० रहेको छ ।

पछिल्लो चौबिस घण्टामा कोरोना संक्रमणबाट थप १२ जनाको निधन भएको छ । हालसम्म नेपालमा कोरोना संक्रमणबाट निधन हुनेको संख्या १ हजार ७ सय ७७ पुगेको छ ।

त्यसैगरी नेपालमा अहिलेसम्म १८ लाख ६६ हजार २१० पीसीआर नमुना परीक्षण भएको छ ।