काठमाडौँ, ९ फागुन । स्वास्थ्य मन्त्रालयले आन्दोलनरत स्वास्थ्यकर्मीसंग बार्ता सुरु गरेको छ । मन्त्रालयमा केही बेरअघि सुरु भएको बार्तामा विभिन्न टे«ेडयुनियन आवद्ध स्वास्थ्यकर्मीहरुको सहभागीता छ । सरकारका तर्फबाट कर्मचारी महाशाखा प्रमुख बलदेव गौतमसहितको टोली बार्तामा बसेको छ ।

पदस्थापनको विषयमा सरकारले गरेको निर्णय आफूहरुलाई मान्य नहुने भन्दै आन्दोलन चर्काउन थालेपछि मन्त्रालयले हिजो मात्रै सहसचिव गौतमको संयोजकत्वमा बार्ताटोली गठन गरेको थियो । उक्त टोलीमा परसुराम श्रेष्ठ, गिरीराज सुवेदी सदस्य छन भने शम्भु कटुवाल सदस्यसचिव छन् ।

पदस्थापनको माग राख्दै झण्डै दुई महिना देखि मन्त्रालय केन्द्रीत आन्दोलन गरेका स्वास्थ्यकर्मीले आईतबारबाट जिल्ला स्वास्थ्य कार्यालयमा तालाबन्दी गर्न थालेका छन् ।