काठमाडौँ ८ जेठ – काभ्रेपलाञ्चोकका योग प्रशिक्षक तथा विश्वदर्शन अभियान नेपालका सदस्य उत्तम मोक्तानले ५० घन्टा १५ मिनेटसम्म विविध योगासन गरी विश्व कीर्तिमान कायम गरेका छन् ।

गिनिज बुक अफ वल्र्ड रेकर्डसले सबैभन्दा लामो समय योगासन गर्ने सूचीमा उनको नाम शुक्रबार दर्ता गरेको छ । मोक्तानले गत वर्ष पुस २–४ गतेसम्म वाल्मीकि विद्यापीठमा सो समयसम्म सार्वजनिक रुपमा योगासन गरेका थिए ।

गिनिजबुकमा यसअघि भारतकायोगराज सिपीले ४०घन्टा १५मिनेटसम्म योगासन गरेको अभिलेख छ ।  विकासानान्द योगीका शिष्य मोक्तानले विवेकानन्द योग विश्वविद्यालय, बेङ्लोर भारतबाट योगमा विद्यावारिधि पनि गरेका छन् ।