काठमाडौँ, ४ असोज । मेडिकल कलेजले नियमविपरीत सरकारले तोकेभन्दा बढी शुल्क आफूहरूबाट असुलेको भन्दै विभिन्न मेडिकल कलेजका विद्यार्थीहरूले माइतीघर मण्डलमा प्रर्दशन गरेका छन्।

चितवन मेडिकल कलेजलगायतमा मेडिकलले नियम भन्दा धेरै शुल्क लिएकोमा कारबाही प्रक्रिया अघि बढाउन सरकारसँग माग गर्दै प्रर्दशन भएको हो।

‘सोलिडारिटी फर डाक्टर गोविन्द केसी अलाइन्स’ ले शनिबार दिउँसो गरेको प्रर्दशनमा डाक्टर केसी पनि उपस्थित थिए।

विद्यार्थीहरुले नियमअनुसार तोकिएको शुल्क मात्र उठाउनु पर्ने, बढी शुल्क फिर्ता गर्नुपर्ने, नियमविपरित शुल्क उठाउनेलाई कारबाही गर्नुपर्ने लगायतका माग राखेका छन्।