चितवन – स्वास्थ्यमन्त्री रामजनम चौधरीले अवैध रुपमा सञ्चालनमा आएका अस्पताललाई कारबाही गरिने बताएका छन् । उनले अवैध सञ्चालित अस्पतालले कतिपय अवस्थामा ‘इथिक्स’ विपरितका काम समेत गरेको भन्दै त्यसलाई नियन्त्रणका लागि कारबाही गरिने बताएका हुन् ।

निजी अस्पताल एसोसियसनको सौराहामा आयोजित कार्यक्रममा सहभागी हुन चितवन आएका मन्त्री चौधरीले आज भरतपुर विमानस्थलमा पत्रकारसँग कुराकानी गर्दै राज्यमन्त्रीको नेतृत्वमा पाँच सदस्यीय अनुगमन समिति समेत गठन गरेको उल्लेख गरे ।

मन्त्री चौधरीले नबीकरण नभएका अस्पताललाई नवीकरण गर्न लगाउने र सो समयमा पनि नवीकरण नगरेको खण्डमा कारबाही प्रक्रियामा अगाडि बढेर हँदैसम्मको कारबाही गर्ने योजना रहेको बताए ।