काठमाडौँ, १५ बैशाख । मुलपानी कागेश्वरी नगरपालिका स्थित देवी बचत तथा ऋण सहकारी संस्था लिमिटेडले शनिबार रक्तदान कार्यक्रमको आयोजना गरेको छ ।

नेपाल स्वयंसेवी रक्तदाता समाजका केन्द्रीय अध्यक्ष प्रेमसागर कर्माचार्यको प्रमुख आतिथ्यतामा आयोजित कार्यक्रममा ४९ जनाले रक्तदान गरेका थिए ।

उक्त कार्यक्रममा कर्माचार्यले रक्त संकलन थैली प्रदान गरि कार्यक्रमको शुभारम्भ गर्नु गरेका थिए । सो अवसरमा सहकारीका अध्यक्ष प्रमोद खनालले कर्माचार्यलाई खादा ओडाएर सम्मान प्रदान गरेको थियो ।