काठमाडौँ, १८ पुस ।  मकवानपुर राक्सिराङकी गंगामाया चेपाङ १२ वर्षको उमेरमा आमा बनेकी छिन्। उनले आज थापाथलीस्थित परोपकार प्रसूति तथा स्त्री रोग अस्‍पतालमा छोरी जन्माएकी छन् ।

दिउसो १२ : ५७ बजे शल्यक्रियामार्फत् उनले छोरी जन्माएकी हुन् । आमा र छोरी दुवै स्वस्थ रहेको र नवजात शिशुको तौल २।९ केजी रहेको अस्पतालले जनाएको छ।

१२ बर्षकै उमेरमा गर्भवती बनेको समाचार सञ्चारमाध्यममा आएपछि प्रधानमन्त्री केपी शर्मा ओलीले उनको स्वास्थ्यबारे चासो व्यक्त गरेका थिए । उनकै निर्देशनमा एक महिना अघि गंगामायालाई मकवानपुरबाट काठमाडौँ ल्याइएको थियो ।

पछिल्लो करीब डेढ महिना देखि उनी प्रसूति गृह अस्पतालका चिकित्सकको निगरानीमा थिइन ।