हेटौँडा, ११ कात्तिक । बागमती प्रदेशको स्वास्थ्य सचिव डा. सुमित्रा गौतमको सरुवा भएको छ । गत ३० असोजमा बसेको मन्त्रिपरिषद्को बैठकले डा. गौतमलाई स्वास्थ्य तथा खाद्य स्वच्छता मन्त्रालयमा सरुवा गरेको हो ।

उनलाई सरुवा गरे पछि उनको स्थानमा भने अहिलेसम्म कसैलाई पठाइएको छैन ।

डा गौतम स्त्री रोग विशेषज्ञ हुन् । संघ अन्तर्गतको दरबन्दीमा रहेकी उनी ११ पुस २०८१ देखि प्रदेश स्वास्थ्य सचिवको रुपमा हेटौडामा थिईन् ।

पछिल्लो पटक प्रदेशको सचिवहरुमा संघबाट कर्मचारी खटाउने कि प्रदेशकै उपलव्ध गराउने भन्ने विषयमा विवाद भइरहेको छ । बागमतीमा पनि अहिले स्वास्थ्यमा एघारौँ तहका ६ जना अधिकृत कार्यरत छन् ।

उनीहरुले आफूहरु मध्येबाट प्रदेशको स्वास्थ्य सचिव बनाउनु पर्ने भन्दै आएका छन् ।