डेंगी इजिप्टी प्रजातीको पोथी लामखुट्टे एडिसको टोकाइबाट लाग्ने रोग हो । उक्त लामखुट्टेले टोकेको ४ देखि ७ दिनभित्र डेंगीको लक्षण देखा पर्दछ । डेंगी भएपछि उच्च ज्वरो आउने, टाउको दुख्ने, मांसपेशी दुख्ने तथा जोर्नी दुख्ने गर्छ । डेंगी भएपछि शरीरको प्लेटलेट्स द्रुत गतिमा घट्न थाल्छ ।

त्यसो त मानिसले प्लेटलेट्स बढ्छ भनेर विभिन्न चिजहरु खाने गरेका हुन्छन्, तर त्यसको प्रयोग गर्नुहुँदैन । प्लेट्सलेट २० हजारभन्दा कम भएमा तुरुन्त अस्पताल भर्ना भएर उपचार गर्नु पर्छ । त्यस्तो अवस्थामा प्लेटलेट्स चढाउनु पर्ने पनि पनि हुनसक्छ ।

यस्तो बेलामा बिरामीलाई तुरुन्तै अस्पतालमा भर्ना गर्नुपर्छ अन्यथा समयमै उपचार नपाउँदा बिरामीको ज्यान समेत जान सक्छ । डेंगीको लक्षण पहिचान गरेर मात्रै यसको उपचार गर्न सकिन्छ ।

डेंगी सार्ने लामखुट्टे :

डेंगी सार्ने लामखुट्टेले  स–साना सफा पानी जमेको स्थानमा फुल पार्ने गर्दछ ।  खास गरी वर्षाको पानी जम्ने टीनका डब्बाहरू, रंगका खाली डब्बा, थोत्रो टायर, अलकत्रा वा मट्टितेलका खाली ड्रमहरू, फुलदानी, गमला, पानीका ट्ंयाकी आदिमा यसले  फुल पार्दछ । सहरी क्षेत्रमा यस्ता वस्तुहरू पर्याप्तमात्रामा हुने भएकाले पनि यो लामखुट्टे सहरमा बढी देखिने गरेको पाईन्छ ।

डेंगीको लक्षणहरू
१. उच्च ज्वरो आउनु
२. टाउको दुख्नु
३. आँखा दुख्नु
४. मांसपेशी र जोर्नी दुख्नु
५. थकाई लग्नु
६. वाकवाकी लाग्नु वा वान्ता हुनु
७. छालामा रातो दागहरू देखा पर्नु
८. पेट दुख्ने
९. गिजा वा नाकबाट रगत बग्ने
१०. सास फेर्न गाह्रो हुनु
११.  चिडचिडापन हुनु

यद्यपि, गम्भीर अवस्थामा (डेंगी हेमोरेजिक ज्वरो) को जोखिम बढ्ने गर्दछ । यस्तो अवस्थामा रक्तनलीमा क्षति पुग्ने र शरीरबाट प्लेटलेट्स कम हुँदै जान्छ । डेंगी पत्ता लगाउनका लागि रगत जाँच गर्नुपर्छ । रातो रगत सेतो रगतको मात्रा हेर्ने गर्नुपर्छ । कलेजो (लिभल र किड्नीको फंसन) डेंगीको एन्टीजेन र एन्टीवडी चेक गर्नुपर्ने हुन्छ ।

डेंगीको उपचार
डेंगीको कुनै खास औषधि वा सही उपचार उपलब्ध छैन । यस्तो अवस्थामा बढीभन्दा बढी पानी पिउनुपर्छ । अत्यन्तै गम्भीर अवस्थामा, रोगीलाई इलेक्ट्रोलाइट सप्लीमेंट दिनुपर्छ ।

केही अवस्थामा, ब्लड प्रेसर मोनिटरिंग र ब्लड ट्रांस्फ्यूजनमार्फत पनि उपचार गरिन्छ ।

डेंगी लामखुटेले टोकेर लाग्ने रोग भएको हुनाले लामखुटेलाई नै टोक्न नदिनु यसको प्रमुख रोकथाम हो । तसर्थ, झुल लगाएर सुत्ने, पुरा व्लाउज भएको कपडा लगाउने, धुप वाल्ने, पानी जम्ने खाडललाई नष्ट गर्नुपर्छ ।

डेंगीको रोकथाम
१. जुनसुकै बेला झुल लगाएर मात्र सुत्ने
२. पुरा शरीर ढाक्ने लुगा लगाउने ।
३. साँझ हुनुभन्दा पहिले घरको झ्याल र ढोका बन्द गर्ने ।
४. पानी जम्मा गरेर नराख्ने ।
६. घरको झ्याल ढोकामा लामखुट्टे नछिर्ने जाली हाल्ने ।

थाहा पाई राखौं,

डेंगी आँफै निको हुने रोग हो । यसको कुनै खास उपचार छैन । डेंगीमा देखिएको लक्षणको उपचार गर्ने हो । डेंगीमा विशेष गरी प्रशस्त मात्रामा पानी खानुपर्छ । ब्लडप्रेसर ध्यान दिएर जाँच गर्नुपर्छ ।

#जनरल फिजिसियन डा. रेग्मी ग्राण्डी अन्तर्राष्ट्रिय अस्पताल धापासीमा कार्यरत छन् ।