काठमाडौँ, २८ साउन । सरकारले संघीय तथा प्रदेश तहका मन्त्रालयका सहसचिवहरुको सरुवा तथा कामकाजमा खटाउने निर्णय गरेको छ ।

सोमबार बसेको मन्त्रिपरिषद्को बैठकले संघीय मामिला तथा सामान्य प्रशासन मन्त्रालयको प्रस्तावमा सरुवा तथा कामकाजमा ७२ जना सहसचिवहरुको जिम्मेवारी हेरफेर गर्ने निर्णय गरेको हो ।

त्यस क्रममा स्वास्थ्यसंग जोडिएका प्रशासन तथा स्वास्थ्य समूहका सहसचिवहरु समेत परेका छन् ।

को कहाँ ?
सामान्य प्रशासन मन्त्रालयका अनुसार राष्ट्रिय योजना आयोगमा कार्यरत हेमराज सुवेदी स्वास्थ्य तथा जनसंख्या मन्त्रालय सरुवा भएको छ । यस्तै निर्वाचन आयोगमा रहेकी सह सचिव निता पोखरेल अर्यालको पनि स्वास्थ्य तथा जनसंख्या मन्त्रालयमा सरुवा भएको छ । दुबै जना प्रशासन सेवाका हुन् ।

यस्तै स्वास्थ्य तथा जनसंख्या मन्त्रालयमा प्रशासन सम्हाल्दै आएका सहसचिव ऋषिराज आचार्यको मुख्यमन्त्री तथा मन्त्रिपरिषद्को कार्यालय गण्डकी प्रदेशमा सरुवा भएको छ ।

यस्तै कोशी प्रदेशको स्वास्थ्य सचिव रहेकी डा राधिका थपलियाको स्वास्थ्य तथा जनसंख्या मन्त्रालय वा अन्तर्गत रहने गरि सरुवा भएको छ ।

यस्तै मन्त्रालयका एघारौँ तहका सहसचिव डा यदुचन्द्र घिमिरेलाई कोशी प्रदेशको मुख्य मन्त्री तथा मन्त्रि परिषद्को कार्यालयमा कामकाज गर्ने गरी पठाइएको छ ।

यस्तै मधेश प्रदेश मुख्य मन्त्री कार्यालयमा रहेका सहसचिव डा श्रवणकुमार मिश्रको स्वास्थ्य तथा जनसंख्या मन्त्रालयमा सरुवा भएको छ । तर उनीमाथि अख्तियारले भ्रष्टाचार मुद्धा दायर गरेकोले निलम्बनमा छन् ।

‘हो, हामीले यातायात कार्यालयमा चार जना चिकित्सक खटाएका छौँ’