काठमाडौँ, २५ असार । जाजरकोटमा विषालु च्याउ खाएर एकै परिवारका तीन जना बालबालिका बिरामी परेका छन् ।

नलगाड नगरपालिका ४ पिपलचौरस्थित मागबहादुर सिंहका तीन जना छोराछोरी विषालु च्याउ खाएर बिरामी परेका हुन् ।

सालघारी जङ्गलबाट टिपेर ल्याएका विषालु च्याउ खाएर नलगाड नगरपालिका ४ पिपलचौरका मगबहादुर सिंहकी १२ वर्षीया कौशिला सिंह, ६ वर्षीया छोरा झलक सिंह र ३ वर्षीया छोरी दिपा सिंंह बिरामी परेका छन्।

उनीहरुको नगर अस्पताल दल्लीमा उपचार भइरहेको छ ।