काठमाडौँ, १० जेठ ।  नेपाल फार्मेसी संघको अध्यक्ष पदमा युवराज भुसाल निर्वाचित भएका छन् । उनी यसअघि संघको महासचिव थिए ।

काठमाडौँमा आज सम्पन्न संघको तेस्रो राष्ट्रिय महाधिवेशनले भुसालको नेतृत्वमा २३ सदस्यीय नयाँ कार्यसमिति निर्विरोध निर्वाचित भएको हो ।

प्रमुख निर्वाचन आयुक्त अमृत खनालका अनुसार संघको उपाध्यक्षमा टेकबहादुर विक, मिना भट्ट र महेश्वर पोखरेल शिव निर्वाचित भएका छन् । यस्तै महासचिव पदमा सुवर्णराज पन्त निर्वाचित भएका छन् ।

७ वटा सचिव पदमा कविन मलेकु, सुन्दर आचार्य, रामप्रसाद कोइराला, विनोद पन्त, ध्रुवकुमार शर्मा, नवीन धामी, कृष्णमुरारी शुक्ला रहेका छन् ।

यसैगरी कोषाध्यक्ष पदमा यदुप्रसाद पन्त र सह कोषाध्यक्षमा विष्णु कंडेल निर्वाचित भएका छन् ।

कार्यसमितिको सदस्य पदमा ओमकार अर्याल, गोविन्द तिवारी, सुशील सिग्देल, दिनेश जोशी, विजय फुल्लेल, विकास केसी, अर्जुन कार्की र शिवकुमार मिश्र रहेका छन् ।

अधिवेशनको उद्घाटन गर्न नेपाल फार्मेसी परिषद्का पूर्व अध्यक्ष बाबुराम हुँमागाई, विवेकसिंह महत लगायत पुगेका थिए ।

उनीहरुले फार्मेसी क्षेत्रमा संघले पुर्‍याएको योगदानको चर्चा गरेका थिए ।