काठमाडौँ, २ माघ । काठमाडौं विश्वविद्यालय (केयू) को उपकुलपति पदका लागि दरखास्त दिएका १७ जना मध्ये १६ जनाको आवेदन स्वीकृत भएको छ । उपकुलपति पदका लागि नाम सिफारिस गर्न गठित समितिका अनुसार एक जनाको आवेदन अस्वीकृत भएको छ ।

सिफारिस समितिले गत १८ पुसमा दरखास्त आह्वान गरेको थियो । आगामी ६ माघदेखि उपकुलपति भोला थापाको कार्यकाल सकिन लागेकाले नयाँ उपकुलपति चयन गर्न लागिएको हो ।

अब १६ जनाबाट उपकुलपतिका लागि तीन जानको नाम छनोट समितिले सिफारिस गर्ने छ ।

केयूकै पूर्व उपकुलपति प्राडा सुरेशराज शर्माको संयोजकत्वमा नाम सिफारिस गर्न समिति गठन भएको छ ।