काठमाडौँ, १८ पुस । बालगायक सचिन परियारको निधन भएको छ । महाराजगञ्जस्थित त्रिवि शिक्षण अस्पतालमा उपचारको क्रममा उनको बिहिबार बिहान निधन भएको हो ।

स्वास्थ्यमा समस्या आएपछि उनी एक साता अघि अस्पताल भर्ना भएका थिए । केही वर्षअघि सामाजिक सञ्जालमार्फत चर्चामा आएका सचिनले गाएका आधा दर्जन लोकगीत करोड क्लबमा पुगेको छ ।

हास्य  श्रृखला ‘मेरी बास्सै’मा पनि अभिनय गरेका उनको ‘रातो रबर एक’, ‘रुमाल खस्छकी’, ‘के छ र हजुर’, ‘बरको छाँयाले’लगायत गीत चर्चित छन् ।

उनले अभिनेता राजेश हमालसँग एक म्युजिक भिडियो अभिनय गरेका थिए ।