काठमाडौँ, २२ चैत । गत साता सरुवा भएका सचिव मुधसुदन बुर्लाकोटीले आजबाट स्वास्थ्य तथा जनसंख्या मन्त्रालयको कार्यभार सम्हालेका छन् ।

गत बिहिबारको मन्त्रिपरिषद् बैठकले केही सचिवहरुको सरुवा गर्दा बुर्लाकोटीको पनि सरुवा भएको थियो ।

यसअघि उनी उपराष्ट्रपति कार्यालयमा कार्यरत थिए ।

आज विहान साढे १० बजे रामशाहपथस्थित स्वास्थ्य तथा जनसंख्या मन्त्रालय पुगेर उनी हाजिर भएका हुन् ।

सो अवसरमा उनलाई अर्का सचिव डा. रोशन पोखरेल सहित कर्मचारीहरुले स्वागत गरेका थिए ।

बुर्लाकोटी यसअघि सहसचिवको रुपमा स्वास्थ्यमा रहि सकेका थिए ।