काठमाडौँ, २१ फागुन । सत्ता गठबन्धन फेरिएसंगै प्रधानमन्त्री पुष्पकमल दाहालले आज नयाँ मन्त्रिमण्डल गठन गर्ने भएका छन् । नयाँ मन्त्रिमण्डलमा नेकपा एमाले र राष्ट्रिय स्वतन्त्र पार्टी समेत समावेश हुने बताइएको छ ।

नयाँ मन्त्री मन्त्रिमण्डलमा एमालेबाट पूर्व उपप्रधान एवं अर्थ मन्त्री विष्णु पौडेल, पूर्व स्वास्थ्य मन्त्री पदम गिरी, रघुविर महासेठ लगायत सहभागी हुने बताइएको छ । यद्धपी अहिलेसम्म मन्त्रालयको टुंगो लागेको छैन ।

‘अहिले अध्यक्ष कमरेड बालुवाटार जानु भएको छ, सरकारमा सहभागी हुनेहरुको नाम र जिम्मेवारी त्यहि टुंगो लाग्छ । नयाँ गठबन्धनका अरु दललाई पनि मिलाएर लैजानु पर्ने भएकोले केही तलमाथि पनि हुन सक्छ । तर अहिलेसम्म टुंगो लागेको नाम यिनै हुन्,’ एमालेका एक नेताले भने ।

नयाँ गठबन्धनमा राष्ट्रिय स्वतन्त्र पार्टी (रास्वपा), जनता समाजवादी पार्टी (जसपा) सहित जनमत पार्टी र राष्ट्रिय प्रजातन्त्र पार्टी (राप्रपा) लाई पनि समेट्ने कोशिष गरिएको छ ।