काठमाडौँ, २२ पुस । संघीय मामिला तथा सामान्य प्रशासन मन्त्रालयले माघ १ गते ९ औँ राष्ट्रिय योग दिवस मनाउन सबै स्थानीय तहलाई परिपत्र गरेको छ ।

शिक्षा, विज्ञान तथा प्रविधि मन्त्रालयको आग्रहमा सामान्यले स्थानीय तहहरुलाई ‘गरौं योग, रहौं निरोग’ भन्ने नारासहित ९ औँ राष्ट्रिय योग दिवस मनाउन परिपत्र गरेको हो ।

मन्त्रिपरिषद्को विसं २०७२ साउन २८ गतेको बैठकले माघ १ गते राष्ट्रिय योग दिवस मनाउने औपचारिक निर्णय गर्दै यसको संयोजन गर्ने जिम्मेवारी शिक्षा मन्त्रालयलाई सुम्पेको थियो ।