डा. यदुचन्द्र घिमिरे बने मधेश प्रदेशको स्वास्थ्य सचिव

संघीय स्वास्थ्य मन्त्रालयमा कुँवर भित्रिए, केसी बाहिरिए

काठमाडौँ, १० मंसिर । मधेश प्रदेशको स्वास्थ्य तथा जनसंख्या मन्त्रालयको सचिवमा डा यदुचन्द्र घिमिरे नियुक्त भएका छन् । संघीय मामिला तथा सामान्य प्रशासन मन्त्रालयको प्रस्तावमा गत शुक्रबार बसेको मन्त्रिपरिषद्को बैठकले ७१ जना सहसचिवको सरुवा गर्दा डा घिमिरेलाई मधेश प्रदेशको स्वास्थ्य सचिव बनाएर पठाउने निर्णय गरेको हो ।

एघारौँ तहका डा घिमिरे अहिले संघीय स्वास्थ्य तथा जनसंख्या मन्त्रालयमा कार्यरत थिए ।

मधेश प्रदेशको स्वास्थ्य मन्त्रालयमा भने डा प्रमोदकुमार यादव सचिव थिए । एघारौँ तहका उनलाई गत १८ जेठमा प्रदेश मन्त्रिपरिषद्ले स्वास्थ्य सचिवमा नियुक्त गरेको थियो ।

यस्तै शुक्रबारको बैठकले संघीय स्वास्थ्य मन्त्रालयका सहसचिव रमेशकुमार केसी अख्तियार दुरुपयोग अनुसन्धान आयोगमा सरुवा गरेको छ ।

यस्तै गण्डकी प्रदेशको मुख्यमन्त्री कार्यालयका सचिव रहेका विनोदबहादुर कुवँरलाई संघीय स्वास्थ्य तथा जनसंख्या मन्त्रालयमा सरुवा गरेको छ ।

समाचार / स्वास्थ्य सामाग्री पढनु भएकोमा धन्यवाद । दोहरो संम्वाद को लागी मेल गर्न सक्नु हुन्छ ।
सम्पर्क इमेल : nepalihealthnews@gmail.com

Leave a Reply

Your email address will not be published. Required fields are marked *