सिन्धुली, २९ चैत । सिन्धुलीमाडीस्थित सिन्धुली अस्पतालमा इन्डोस्कोपी सेवा सुरु भएको छ । पेटका विरामीलाई लक्षित गरी अस्पतालले इन्डोस्कोपी सेवा थप गरेको अस्पताल विकास समितिका अध्यक्ष प्रल्हाद पोखरेलले जानकारी दिए ।

बागमती प्रदेश सरकारको सेवा सुदृढीकरण कार्यक्रम अन्तरगर्त २५ लाख रुपैयाँको सहयोग इन्डोस्कोपी मेसिन खरीद गरेर सञ्चालन गरिएको उनले बताए । इन्डोस्कोपी सेवा जिल्लामा सुरु भएपछि धुलिखेल र काठमाडोँ लगायतका स्थानमा स्थानमा धाउनुपर्ने बाध्याता हटेको अध्यक्ष पोखरेलको भनाई छ ।

सिन्धुली अस्पतालले जनरल ओपिडी, सामान्य प्रयोगशाला, एड्स तथा यौनरोग, प्रसूति र भिडियो एक्सरे लगायतको सेवा दिने भएपनि विशेषज्ञ चिकित्सकको भने अभाव भएको जनाएको छ ।