काठमाडौँ, ९ फागुन । पछिल्लो चौबिस घण्टामा देशभर थप ३८८ जनामा कोरोना संक्रमण पुष्टि भएको छ । यही अवधीमा थप १ हजार २०५ जना संक्रमणमुक्त भई डिस्चार्ज भएका छन् ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार पीसीआर र एन्टीजेन बिधिबाट ८ हजार १४० जनाको नमुना परीक्षण भएकोमा ३८८ जनाको रीपोर्ट पोजेटिभ आएको हो ।

हाल देशभर सक्रिय संक्रमितको संख्या ११ हजार २८२ सय रहेको छ ।

त्यसैगरी आज कोरोना संक्रमणबाट थप ४ जनाको मृत्यु भएको छ । आइसीयूमा १३९ र भेन्टीलेटरमा १९ जना संक्रमित उपचाररत रहेको मन्त्रालयले जनाएको छ ।

त्यस्तै चौबिस घण्टामा ८ लाख ७३ हजार ४३८ जनाले कोरोना बिरुद्धको खोप लगाएका छन् ।