काठमाडौँ, ६ फागुन । पछिल्लो चौबिस घण्टामा देशभर थप ४३७ जनामा कोरोना संक्रमण पुष्टि भएको छ । यही अवधीमा थप २ हजार ४५४ जना संक्रमणमुक्त भई डिस्चार्ज भएका छन् ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार पीसीआर र एन्टीजेन बिधिबाट ९ हजार ९१ जनाको नमुना परीक्षण भएकोमा ४३७ जनाको रीपोर्ट पोजेटिभ आएको हो ।

हाल देशभर सक्रिय संक्रमितको संख्या १४ हजार ४३५ सय रहेको छ । आइसीयूमा १४४  र भेन्टीलेटरमा २३ जना संक्रमित उपचाररत छन् ।

त्यसैगरी आज कोरोना संक्रमणबाट थप २ जनाको मृत्यु भएको छ । यो संगै नेपालमा कोरोना संक्रमणबाट मृत्यु हुनेको संख्या ११ हजार ९ सय १३ पुगेको मन्त्रालयले जनाएको छ ।