काठमाडौँ, १३ माघ । पछिल्लो चौविस घण्टामा देशभर थप ३ सय ३ जनामा कोरोना भाइरस (कोभिड-१९)संक्रमण देखिएको छ । यही अवधीमा देशभरबाट थप २ सय ८५ जना संक्रमणमुक्त भएर घर फर्किएका छन् ।

देशभरका बिभिन्न प्रयोगशालामा ४ हजार ५ सय ७४ जनाको पीसीआर बिधिबाट गरिएको नमुना परीक्षणका क्रममा थप ३ सय ३ जनाको कोरोना भाइरस पोजेटिभ आएको स्वास्थ्य तथा जनसंख्या मन्त्रालयले जनाकारी गराएको छ । नेपालमा हालसम्म कुल २० लाख ५२ हजार ६८७ जनाको पीसीआर नमुना परीक्षण भएको छ ।

त्यसैगरी काठमाडौँ उपत्यकाका तीन जिल्लामध्ये काठमाडौँमा १३४ , ललितपुरमा ३१ र भक्तपुरमा ७ जना गरी थप १७२ जना संक्रमित थपिएका छन् ।

यो संगै नेपालमा कुल संक्रमितको संख्या २ लाख ७० हजार ९२ पुगेको छ । भने कोरोनामुक्त हुनेको संख्या २ लाख ६४ हजार ३२३ पुगेको छ ।

हालसम्म देशभर सक्रिय संक्रमितको संख्या ३ हजार २५२ रहेको छ । क्वारेनटिनमा १२२ जना रहेका छन् ।त्यसैगरी देशभरका कोरोना अस्पतालका आइसीयूमा १३९ र भेन्टीलेटरमा २४ जना उपचाररत छन् ।

पछिल्लो चौबिस घण्टामा कोरोना संक्रमणबाट थप ७ जनाको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या २ हजार १७ पुगेको छ ।