कैलाली २६ चैत । कोरोना भाइरस (कोभिड—१९) सङ्क्रमित व्यक्ति भेटिएको भन्दै अफवाह फैलाउने एक जनालाई प्रहरीले पक्राउ गरेको छ । टीकापुर नगरपालिका— २ का पवनकुमार भट्टराईलाई प्रहरीले गएराति पक्राउ गरेको हो ।

भट्टराईले सामाजिक संजाल फेसबुकमा टीकापुर नगरपालिका— १ ब्लक नम्बर १० मा कोरोना भाइरस सङ्क्रमित व्यक्ति भेटिए भन्दै पोष्ट गरेका थिए ।

सामाजिक संजालबाट अवफाह फैलाई समाजमा आतकं सिर्जना गर्ने गतिविधि गरेपछि उनलाई इलाका प्रहरी कार्यालय टीकापुरले गएराति पक्राउ गरिएको जिल्ला प्रहरी कार्यालय कैलालीका प्रवक्ता एंव प्रहरी नायब उपरीक्षक दक्षकुमार बस्नेतले बताए ।

उनले निज भट्टराई माथि थप अनुसन्धान भइरहेको बस्नेतले जानकारी दिए ।