काठमाडौँ, २५ जेठ । आफ्नो २८ औँ स्थापना दिवसको अवसरमा नेपाल स्वास्थ्यकर्मी संघ भक्तपुरले रक्तदान कार्यक्रम गरी मनाएको छ । शुक्रबार आयोजित कार्यक्रममा २३ जनाले रक्तदान गरेका थिए ।

कार्यक्रममा नेपाल ट्रेट युनियन कांग्रेसको उपमहासचिव राधिका खनालले स्वास्थ्यमा समायोजन व्यवस्थित हुनेपर्ने, स्वास्थ्यकर्मीसंघको महाधिवेशन शीघ्र अधिवेशन गर्नुपर्नेमा जोड दिइन ।

स्वास्थ्यकर्मी संघका सहअध्यक्ष ओम उपाध्यायले समायोजनले स्वास्थ्य सेवा अस्थव्यस्थ बनाएको भन्दै यसलाई सुधार गर्नुको विकल्प नभएको बताए । उनले व्यवस्थित समायोजन हुनुपर्नेमा जोड दिए ।

स्वास्थ्यकर्मी संघ भक्तपुरका अध्यक्ष राजकुमार थापाले संघ व्यवस्थित हुनुपर्ने भन्दै समायोजनले सबै स्वास्थ्यकर्मीलाई न्याय दिनुपर्ने बताए ।
कार्यक्रममा रक्तदान गर्ने सबैलाई प्रमुख अतिथि, अतिथि र अध्यक्षले प्रमाणपत्र दिएका थिए ।