काठमाडौँ, १३ माघ ।नेपाल रेडियोलोजिष्ट एसोसिएशनको शनिबार सम्पन्न बार्षिक साधारण सभाले प्राडा दानबहादुर कार्कीको अध्यक्षतामा नयाँ कार्यसमिति निर्वाचित गरेको छ ।

एसोसिशनका अनुसार समितिको उपाध्यक्षमा डा प्रकाश कायस्थ र महासचिवमा डा अनामिका झा निर्वाचित भएका छन् । यस्तै सहसचिवमा डा कृष्ण बुढाथोकी, कोषाध्यक्षमा डा सुन्दर सुवाल र सह कोषाध्यक्षमा डा मनिन्द्र श्रेष्ठ निर्वाचित भएका छन् ।

सदस्यहरुमा डा प्रकाश शर्मा, डा सूर्यप्रसाद सापकोटा र डा कल्पना राई छन् ।

एसोसिएशनमा २ सय बढी रेडियोलोजिष्ट आवद्ध छन् ।