काठमाडौँ, २९ फागुन । जापान सरकारले भक्तपुर जिल्लामा रहेको काठमाडौँ क्यान्सर सेन्टरमा स्वास्थ्य उपकरणहरु हस्तान्तरण गरेको छ ।

चाँगुनारायण नगरपालिकामा आयोजित कार्यक्रममा जापानी राजदूत किकुता युताकाले उक्त सामग्री हस्तान्तरण गरेका हुन् ।

जापान सरकारले ७४ हजार ३३ अमेरिकन डलर बराबरको मेडिकल उपकरण हस्तान्तरण गरेको छ । जापानले क्यान्सर सेन्टरलाई अपरेसन रुमका लागि क्यामरा मोनिटर र लाइटहरु सहयोग गरेको छ ।

राजदूत किकुताले यी सामाग्रीहरुले स्वास्थ्य सेवा उपलबध गराउन सहज हुने विश्वास व्यक्त गरे । काठमाडौँ क्यान्सर सेन्टर सन् २०१६ मा स्थापना भएको हो । सेन्टरले क्यान्सरको उपचार र परामर्श प्रदान गर्दै आएको छ ।