काठमाडौँ, २३ पुस । नेपाल फार्मेसी परिषद्ले गत शनिबार लिएको फार्मेसी सहायकको नाम दर्ता (लाइसेन्स) परीक्षामा ५५ प्रतिशत उत्तीर्ण भएका छन् ।

परीषद्का अनुसार परीक्षामा १ हजार ५०५ जनाले सहभागिता जनाएका थिए । ती मध्ये ८३१ जना (५५.३१ प्रतिशत) उत्तीर्ण भएका हुन् ।

परिषद्ले सधै जस्तै यो परीक्षा पनि नेपाली सेनाको स्वास्थ्य विज्ञान संस्थानलाई परीक्षा केन्द्र तोकि सञ्चालन गरेको थियो ।

परिषद्ले लिएको यो २४ औँ नाम दर्ता परीक्षा हो ।

फार्मेसी सहायकको गत भदौमा लिइएको २३ औँ नाम दर्ता परीक्षामा ४० प्रतिशत उत्तीर्ण भएका थिए । त्यसको तुलनामा यसपटक नतिजामा सामान्य सुधार देखिएको छ ।