काठमाडौँ, २० कात्तिक । पछिल्लो समय नेपालमा डेंगी संक्रमितको सङ्ख्या ४४ हजार नाघेको छ ।

ईपीडीमीयोलोजी तथा रोग नियन्त्रण महाशाखा ईडीसीडीका अनुसार संक्रमितको सङ्ख्या हालसम्म ७६ जिल्लाका ४४ हजार ८४ जनामा संक्रमण पुष्टि भएको छ ।

जसमध्ये २० जना डेंगी सङ्क्रमितको मृत्यु भएको ईडीसीडीले जनाएको छ ।

सबैभन्दा बढी डेंगी सङ्क्रमितको संख्या सुनसरीमा १६ हजार १०६ जनामा पुष्टि भएको छ । यस्तै, तनहुँमा ६ हजार ६९९ पुगेको छ ।

त्यसपछि झापामा ३ हजार ६९० जनामा, धादिङमा ३ हजार २०० जनामा, कास्कीमा ६ हजार ६०४ जना, मोरङ २ हजार २९० जना, काठमाडौँमा १ हजार ४१ जना डेंगी सङ्क्रमित रहेको ईडीसीडीले जनाएको छ ।