काठमाडौँ, २६ साउन । साउन महिनामा तीन साताको अवधिमा गोरखामा ३५ जनामा डेङ्गु संक्रमण देखिएको छ ।

जिल्ला स्वास्थ्य कार्यालय गोरखाका अनुसार सबैभन्दा बढी गोरखा नगरपालिकामा २३ जना डेङ्गु संक्रमित भेटिएका छन् ।

आरुघाटमा ६ जना, भिमसेन थापा गाउँपालिकामा ३ जना, पालुङटार, शहिद लखन र बारपाक सुलिकोटमा १र१ जनामा डेङ्गु संक्रमण देखिएको जिल्ला स्वास्थ्य कार्यालय गोरखाकी सूचना अधिकारी स्मृति चौधरीले बताइन् ।

११ स्थानीय तह रहेको गोरखामा ६ वटा पालिकामा डेंगु संक्रमण देखिएको उनले बताइन् । जिल्लामा डेंगीको बढ्दो अवस्थामा रहेकाले स्थानीय तह र सरकारवाला निकायलाई समुदायस्तरमा सचेतना कार्यक्रमसहित सरसफाइ अभियानलाई प्रभावकारी बनाउन पनि आग्रह गरिएको छ ।

गाउँपालिकाले अव्यवस्थित रुपमा राखिएका टायरहरु हटाउन सार्वजनिक सूचनामार्फत आग्रह गरेको छ ।