काठमाडौँ, १५ असार । जनस्वास्थ्य कार्यालय काठमाडौँको प्रमुख फेरिएका छन् । बागमती प्रदेश स्वास्थ्य मन्त्रालयले जनस्वास्थ्य कार्यालय काठमाडौँको प्रमुखमा सागर घिमिरेलाई जिम्मेवारी तोकेको छ । उनी भर्खरै एघारौं तहमा बढुवा भएका अधिकृत हुन् ।

जनस्वास्थ्य कार्यालय काठमाडौँका प्रमुख रहेका डा बसन्त अधिकारीलाई भने स्वास्थ्य आपूर्ति व्यवस्थापन केन्द्र बागमती प्रदेश हेटौंडा पठाइएको छ । यसअघि त्यहाँ निर्देशक रहेका डा अर्जुनप्रसाद सापकोटा उमेर हदका कारण अवकाशमा गएपछि निमित्त निर्देशकको रुपमा सागर घिमिरे थिए ।

डा अधिकारीले आफूले आजै काठमाडौँबाट रमाना लिई निस्किन लागेको र भोली देखि नै नयाँ प्रमुखको रुपमा घिमिरेले जिम्मेवारी सम्हाल्ने बताए ।