काठमाडौँ, २ असार । स्वास्थ्य तथा खाद्य स्वच्छता मन्त्रालयले विभिन्न ६ वटा स्वास्थ्य विज्ञान प्रतिष्ठानमा उपकुलपति पदका लागि आवेदन दिएका ११३ जना मध्येबाट ८६ जनाको नाम सक्षिप्त सूचीमा प्रकाशित गरेको छ ।

मन्त्रालयले आज प्रकाशन गरेको सूचीमा सबैभन्दा बढी २२ जना चिकित्सा विज्ञान राष्ट्रिय प्रतिष्ठान (न्याम्स)का लागि आवेदन दिएकाहरु छन् । सबैभन्दा कम ७ जना कर्णाली स्वास्थ्य विज्ञान प्रतिष्ठानमा रहेका छन् ।

अन्यमा राप्ती स्वास्थ्य विज्ञान प्रतिष्ठानबाट १२ जनाको सूची परेको छ । यस्तै पोखरा स्वास्थ्य विज्ञान प्रतिष्ठानबाट १६ जनाको, बीपी कोइराला स्वास्थ्य विज्ञान प्रतिष्ठान धरानमा १४ जनाको र पाटन स्वास्थ्य विज्ञान प्रतिष्ठानबाट १५ जना उम्मेद्धार उपकुलपतिका लागि संक्षिप्त सूचीमा अटाएका छन् ।

हेर्नुहोस् को को परे सक्षिप्त सूचीमा