काठमाडौं, १ जेठ । आयुर्वेद तथा वैकल्पिक चिकित्सा विभागको महानिर्देशकको जिम्मेवारी डा बासुदेव उपाध्यायले पाएका छन् ।

स्वास्थ्य तथा जनसंख्या मन्त्री निशा मेहताले शुक्रबार मन्त्रीस्तरीय निर्णय गर्दै विभागको महानिर्देशकको जिम्मेवारी डा. वासुदेव उपाध्यायलाई दिने निर्णय गरेकी हुन् ।

विभागमा निमित्त महानिर्देशकको भूमिकामा १० औँ तहका डा श्यामबाबु यादव थिए । ११औं तहका डा उपाध्याय भने आयुर्वेद चिकित्सालय नरदेवीको निर्देशकका रूपमा कार्यरत थिए।

डा. उपाध्याय विभागमा सरुवा भएपछि नरदेवी आयुर्वेद चिकित्सालयको निर्देशक पद भने हाललाई रिक्त नै राखिएको छ ।