काठमाडौँ, १५ भदौ । भोटेकोशी रसुवा बाढी प्रभावितहरुको सहयोगका लागि माइतीघरस्थित अन्नपूर्ण न्युरो अस्पताल तथा कार्यरत कर्मचारीहरुले प्रधानमन्त्री दैवीप्रकोप उद्दार कोषमा ३० लाख रुपैयाँ उपलव्ध गराएका छन् ।

गत बुधबार एक्कासी आएको अकल्पनीय बाढीबाट रसुवा, नुवाकोट, धादिङ, गोर्खा, तनहुँ जिल्लामा जनधनको ठूलो क्षति पुरयाएको छ ।

सरकारले बाढीको विपत्तीबाट निम्तिएको समस्यासंग जुझ्नका लागि व्यक्ति तथा संस्था राष्ट्रिय तथा अन्तराष्ट्रिय, सरकारी तथा निजी क्षेत्रसंग सहयोगको आग्रह गरेको थियो ।

सोही आग्रह अनुसार अस्पताल र त्यहाँ कार्यरत कर्मचारीहरुले रकम जम्मा गरेका हुन् ।