काठमाडौँ, २ भदौ । स्वास्थ्य तथा खाद्य स्वच्छता मन्त्रालयका गुनासो अधिकारी डा. भक्तबहादुर केसीको सरुवा भएको छ ।

बरिष्ठ स्वास्थ्य शिक्षा प्रशासक डा. केसीलाई स्वास्थ्य तथा खाद्य स्वच्छता मन्त्री निशा मेहताले गत २२ साउनमा मन्त्रीस्तरीय निर्णय गर्दै राष्ट्रिय स्वास्थ्य तालीम केन्द्रमा सरुवा गरेकी हुन् ।

यसअघि तत्कालीन स्वास्थ्य मन्त्री प्रदीप पौडेलले उनलाई मन्त्रालय ल्याएका थिए । मन्त्रालयमा उनलाई गुनासो सुन्ने तथा सूचना अधिकारीको जिम्मेवारी दिएर राखेको थियो । बरिष्ठ स्वास्थ्य शिक्षा प्रशासक डा केसीको पछिल्लो पटकको ओएनएममा मन्त्रालयमा दरबन्दी काटिएपछि विभाग पठाइएको हो ।

यसअघि मन्त्री मेहताले परिवार कल्याण महाशाखाका निर्देशक डा. मदनकुमार उपाध्यायलाई बीर अस्पताल पठाउँदै उनको ठाउँमा भरतपुर अस्पातालका अर्थोपेडिक सर्जन डा. ओम अर्याललाई ल्याउने निर्णय गरेकी थिईन ।