काठमाडौँ, १८ साउन । विभिन्न माग राख्दै आन्दोलनरत नर्सहरूले वीर अस्पतालमा प्रदर्शन गरेका छन्।

नर्सिङ क्षेत्रको सुधारका लागि नर्स ज्योति रानाभाटले सुरु गरेको आमरण अनशनको पाँचौँ दिन आज नर्सहरूले  वीर अस्पतालमा प्रदर्शन गरेका हुन्।

उनीहरूले न्यूनतम पारिश्रमिकको सुनिश्चितता र श्रमशोषणको अन्त्यलगायतका १५ बुँदे माग राखेका छन्।

उनीहरूले ‘१५ बुँदे माग पुरा गर’, ‘ज्योतिको जीवन बचाउ’, ‘न्यायमा ढिलाई जीवनमा जोखिम’, ‘नर्स बचाऔँ स्वास्थ्य बचाऔँ’ लेखिएका प्लेकार्ड सहित प्रदर्शन गरेका थिए।